ULah Ceurik

Cag didieu… cag seumeut dieu
Lalakon cinta nu urang
Teup anteupkeun…tong diguar deui
Carita cinta nu peugat

Najan ka gandrung sa gunung
Najan duriat sa jagat
Kadeudeuh nu nyangreud
Akhirna urang pipisah… pisah

Rek kasaha…ka urang mana
Geura milari geuntosna
Cig ka kidul… cig kakaler…
Ngulon ngetan moal nyaram

Tos teu aya kakaitan antara urang duaan
Lain anjeun lain akang urang geus lain lainan…lain

Ulah ceurik …tong di ceungceurikeun
Tarimakeun janten randa
Akang pasrah jadi duda
Da geuning kieu kuduna
Urang teu bisa kumaha

Ulah ceurik…tong diceungceurikeun
Wayahna urang papeugat najan hate masih beurat
Pileuleuyan pileuleuyan
Hampura akang hampura

Ojeg

Aduh bagja pisan
Narik ojeg ngalarisan
Nu numpakna geulis pisan
Hate sok seseredetan

Keur kasalametan
Nu geulis kedah nyepengan
Sanes akang teu uyahan
Cunihin teu pisan pisan

Ulah sok ugal ugalan di jalan
Kebut kebutan keur jalan
Bisi balikna tinggal ngaran

Ulah sok ugal ugalan di jalan
Kebut kebutan keur jalan
Mun nabrak budak digarebukan

Ojeg
Ongkos ngajegang
Lamun ngojek ulah oarebut panumpang
Ojeg
Ongkos ngajegang
Lamun ngojeg tong bari mikiran hutang

Komo deui lamun narik bau ao
Nya dijamin penumpang nyebut nu gelo

Naha Salah

Naha salah lamun kuring boga rasa silain ka anjeun ?
Naha salah lamun kuring boga rasa deudeuh salian ka anjeun ?
Sapanjang anjeun satia akang moal rek khianat
Cinta akang moal unggut karinduan
Sapanjang anjeun satuhu akang moal rek midua
Cinta akang moal kedak kaanginan

Cinta akang mang bulan anu nyaangan peuting
Bakal aya salawasa
Cinta akang sangenge anu maturan poe
Bakal aya salalawasna

Ulah melang
Ulah hariwang

Mawar Bodas

Mapay jalan satapak
Ngajugjug ka hiji lembur
Henteu karasa capena
Sabab aya nu di teang

Hujan angin dor dar gelap
Henteu aya keur ngiuhan
Sanajan awak rancucut
Teu paduli kajeun teuing

Nu penting mah asal nepi
Ka tempat anu di tuju
Rek ngalongok mawar bodas
Nu moal lila ka ala

Sugan tea moal gagal
Kembang geus aya nu boga
Balik teh asa hoream
Leumpang ge asa ngalayang

Teu kasawang ti anggalna
Teu kapikir ti tadina
Lamun bakal nyeri hate
Hoream teu sudi teuing
Mikiran pipanyakiteun
Mikiran pipanyakiteun

Manuk Dadali

Mesat ngapung luhur Jauh di awang awang
Meberkeun jangjangna bangun taya karingrang
Sukuna ranggoas reujeung pamatukna ngeluk
Ngepak mega bari heberna tarik nyuruwuk

Saha anu bisa nyusul kana tandangna
Gandang jeung partengtang taya bandinganana
Dipikagimil dipikaserab kusasama
Taya karempan kasieun leber wawanena

Manuk dadali manuk panggagahna
Perlambang sakti Indonesia jaya
Manuk dadali pangkakoncarana
Resep ngahiji rukun sakabehna

Hirup sauyunan tara pahiri hiri
Silih pikanyaah teu inggis bela pati
Manuk dadali ngandung siloka sinantria
Keur sakumna bangsa di nagara Indonesia

Kulu Kulu Bem

Puguh ogé ayeuna man gamparan ka diri abdi,
nganggap téh lumayan pisan abong kéna seueur deui,
nu punjul batan sim abdi nu puguh abdi kaduhung,
nu puguh abdi kaduhung
micinta nu sanés layan buktina geuning berewit nu manis,
buktina geuning berewit

Najan awét mun rajét mah matak gering jadi nyeri, tobat, abdi teu kiat,
nandingan baé kapeurih kasedih teu euih-euih,
tunggulna nanggung kabingung,
Gandrung… da bongan kacida teuing ,
Gandrung… emut kasaurannana sok matak neuteuli ati,
sanajan abdi kaajak pageuh dina jero ati,
jero ati anu suji tapi geuning nu saéstu sulaya,
sulaya tina subaya.

Kabogoh Jauh

Boga kabogoh jauh
Mentas laut leuweung gunung
Tapi apel teu bingung
Cukup hallo na telepon

Kuring dipulau jawa
Manehna pulau sumatera
Lamun malam mingguan
Mojok via sms-an

Jelema palinter dunia beuki maju
Najan urang pajauh bisa ngobrol unggal waktu
Tiap sms-an atawa nelepon
Teu jadi pikiran kajeun pulsa kabobolan
Nu penting mah bisa ngobrol jeung manehna