Daun Pulus 14

Pencipta : Mang Raida
Lagam : Jaipongan
Laras : Salendro

Urang guar lalakon anu katunda
Urang teang carita anu baheula
Carita daun pulus nukoncara
Daun pulus anu ka opat belasna

Katineung rek disampeur nahandeuleum
Kaheman urang teang nahanjuang
Ngawincik ngeumbingan areuy kadeudeuh
Nyanghunjar akar katresna nyengcelak

Daun pulus anu ka opat belasna
Tacan layu teu aya laas laasna
Daun pulus teu rek layu
Kapanasan awor jeung rasa kasono
Najan lawas tibareto

Jalan naratas ngajembat
Lir sumirat kandaga emas nunyacas
Nu nyengcelak daun pulus opat belas
Nu nembongkeun bokor lalakon katineung

Gumuruh angina jajantung
Genjlong kupangaruh ampuh
Reueus deudeuh nyanggreut pagueh
Reret masket kairut kuimut nu lucu

Daun pulus lambaran carita endah
Numeraykeun lalangse hate nu simpe
Anu pinuh basa diukir ku sastra
Peurah asih dina rasa nyalira